Min birra
Geat leat mii?
Spire lea luonddu- ja ovdánansearvi. Mii bargat vuoiggalaš ja nanaguoddevaš máilmmi ovddas. Mii sávvat oaidnit daid stuora oktavuođaid, ja rievdadit daid sivaid mat dagahit vearrivuođa. Danne mis lea fokus lundui, biebmosihkarvuhtii, riikkaidgaskasaš gávppašeapmái, ja nanaguoddevaš gávpotovdáneapmái. Utviklingsfondet lea min váldosearvi. Odne mis leat 1400 miellahtu Norggas.
Spire lea luonddu- ja ovdánansearvi. Mii bargat vuoiggalaš ja nanaguoddevaš máilmmi ovddas. Mii sávvat oaidnit daid stuora oktavuođaid, ja rievdadit daid sivaid mat dagahit vearrivuođa. Danne mis lea fokus lundui, biebmosihkarvuhtii, riikkaidgaskasaš gávppašeapmái, ja nanaguoddevaš gávpotovdáneapmái. Utviklingsfondet lea min váldosearvi. Odne mis leat 1400 miellahtu Norggas.
Foto: Spire
Maid mii bargat?
Spire bargá dieđihanbargguiguin ja politihkalaš váikkuhemiin oččodit nuppástusaid. Danne mii ovttasbargat lulli riikkaid nuoraiguin ja beroštat gaskkustit globála lulli perspektiivvaid. Min doaimmat galget fuomášuhttit ja juohkit dieđuid dan birra, mo ráhkadit nanaguoddevaš máilmmi. Mis lea fokus sihke davvi/lulli-áššiide, ja mo norgalaš politihkka čuohcá máilbmái. Min ulbmilat leat ahte eambbosat sáhttet searvat, ja veahkehit nuppástuhttit mo politihkka čuohcá máilbmái. Danin mis lea erenoamáš fokus earret eará dáidda áššiide:
Luondu ja dálkkádat
Dálkkádatrievdamat leat stuorimus áitta sihke olbmuide ja elliide. Mii bargat vai máilbmi sáhttá geahpedit dálkkádatgássaluoitima nu ahte dálkkádat ii billašuva.
Biebmosihkarvuohta
Buohkain galgá leat doarvái biebmu, dorvvolaš biebmu, ja dearvvašlaš biebmu. Biebmu ferte buvttaduvvot nanaguoddevaččat ja juohkásit buorebut. Go 800 miljovnna olbmo nelgot dan botta go mii bálkestit 1/3 borramušas, de lea juoga hui boastut oppa borramušvuogádagain. Mii bargat rievdadan dihte dan.
Guoddevaš gávpotovdáneapmi
Badjel bealli buot olbmuin orrot gávpogis, ja leat eanet ja eanet olbmot geat fárrejit gávpogiidda. Mo sáhttit ráhkadit guoddevaš gávpogiid mat fátmmastit buohkaid ja leat birasseastit? Mii bargat mielváikkuhemiin gávpotovdáneami ektui, čuovvulit ON (Ovttastuvvan našuvnnat) ulbmiliid guoddevaš gávpogiid birra, ja biebmobuvttademiin gávpogiin.
Riikkaidgaskasaš gávppašeapmi
Riikkaidgaskasaš gávpešiehtadusat váikkuhit stuorra oassái du árgabeaivvis, vaikko don it soaitte fuomášit dan. Min mielas ii galgga gávppašeapmi leat ulbmil iehčanassii, muhto neavvu ráhkadit buoret máilmmi. Otná njuolggadusat leat vuoigatmeahttumat, ja ráŋggáštit lulli riikkaid. Mii geahččalit rievdadit dan.
Háliidatgo leat mielde? Coahkkal dása oaidnit mo don sáhtát searvat!
Tekst oversatt av Sonja Maika Amundsen Äärelä, medlem i Spire.
Maid mii bargat?
Spire bargá dieđihanbargguiguin ja politihkalaš váikkuhemiin oččodit nuppástusaid. Danne mii ovttasbargat lulli riikkaid nuoraiguin ja beroštat gaskkustit globála lulli perspektiivvaid. Min doaimmat galget fuomášuhttit ja juohkit dieđuid dan birra, mo ráhkadit nanaguoddevaš máilmmi. Mis lea fokus sihke davvi/lulli-áššiide, ja mo norgalaš politihkka čuohcá máilbmái. Min ulbmilat leat ahte eambbosat sáhttet searvat, ja veahkehit nuppástuhttit mo politihkka čuohcá máilbmái. Danin mis lea erenoamáš fokus earret eará dáidda áššiide:
Luondu ja dálkkádat
Dálkkádatrievdamat leat stuorimus áitta sihke olbmuide ja elliide. Mii bargat vai máilbmi sáhttá geahpedit dálkkádatgássaluoitima nu ahte dálkkádat ii billašuva.
Biebmosihkarvuohta
Buohkain galgá leat doarvái biebmu, dorvvolaš biebmu, ja dearvvašlaš biebmu. Biebmu ferte buvttaduvvot nanaguoddevaččat ja juohkásit buorebut. Go 800 miljovnna olbmo nelgot dan botta go mii bálkestit 1/3 borramušas, de lea juoga hui boastut oppa borramušvuogádagain. Mii bargat rievdadan dihte dan.
Guoddevaš gávpotovdáneapmi
Badjel bealli buot olbmuin orrot gávpogis, ja leat eanet ja eanet olbmot geat fárrejit gávpogiidda. Mo sáhttit ráhkadit guoddevaš gávpogiid mat fátmmastit buohkaid ja leat birasseastit? Mii bargat mielváikkuhemiin gávpotovdáneami ektui, čuovvulit ON (Ovttastuvvan našuvnnat) ulbmiliid guoddevaš gávpogiid birra, ja biebmobuvttademiin gávpogiin.
Riikkaidgaskasaš gávppašeapmi
Riikkaidgaskasaš gávpešiehtadusat váikkuhit stuorra oassái du árgabeaivvis, vaikko don it soaitte fuomášit dan. Min mielas ii galgga gávppašeapmi leat ulbmil iehčanassii, muhto neavvu ráhkadit buoret máilmmi. Otná njuolggadusat leat vuoigatmeahttumat, ja ráŋggáštit lulli riikkaid. Mii geahččalit rievdadit dan.
Háliidatgo leat mielde? Coahkkal dása oaidnit mo don sáhtát searvat!
Tekst oversatt av Sonja Maika Amundsen Äärelä, medlem i Spire.
